Tonga nitsidika ara-pomba ofisialy ny Préfet an’i Morondava sy ny Sekretera Jeneralin’ny Faritra Menabe ny delegasiona avy eto amin’ny Minisitera izay notarihan-dRamatoa Tsikitsiky RAZANAMASY, Tale Jeneraly misahana ny Tanora niaraka tamin’ireo mpiara-miasa aminy, ny 13 Jolay 2023.
Voaresaka nandritra izany ny fanomanana sy fandinihana manokana ary ny fiaraha-miasa hapetraka manomboka amin’ny fanomanana hatramin’ny fankalazana ny andro iraisam-pirenena ho an’ny Tanora na ny JIJ izay hotanterahana any Morondava ny 12 Aogositra 2023 ho avy izao.