Tontosa ny 27 may 2023 ny famaranana ny Herinandron’ny Mpanazava « Mpanazava Day » tao amin’ny LTP Alarobia.
Hetsika maro no nanehoan’ireo zatovovavy ity « Mpanazava Day » ity toy ny hetsika ara-kolontsaina, ny hetsika ara-panatanjahantena, ny fampirantiana tamin’ny trano heva sy ny fifanakalozana amin’ny Skoto zazavavy eo amin’ny sehatra iraisampirenena ao amin’ny YESS Program.
Ny hetsika dia notronin’ny Filohan’ny Komity Lehiben’ny Tily sy Mpanazava eto Madagasikara izay nampitondra ny teny fisaorana ho an’Andriamatoa André Haja RESAMPA, Minisitry ny Tanora sy ny Fanatanjahantena amin’ny fanohanana hatrany ireo tanora Malagasy, sy ny Skotisma.
Tonga nanotrona izany ireo Tale isan-tsokajiny teto anivon’ny Minisiteran’ny Tanora sy ny Fanatanjahantena.