Tontosa ny 06 novambra 2022 ny hazakazaka ara-pirahalahina na ny « Course de l’Amitié » izay niatomboka teo amin’ny Parvis Analakely, nandalo teny Behoririka ary nifarana tao amin’ny Kianja Barea Mahamasina.
Hetsika izay tafiditra ao anatin’ny fankalazana ny faha-50 taona niorenan’ny fifandraisana ara-diplomatika teo amin’i Chine sy Madagasikara izay nokarakarain’ny Masoivoho Sinoa eto Madagasikara sy ny Fikambanana Sino-Malagasy 🇨🇳🇲🇬.
Anisany misitraka ny vokatr’ izany fifandraisana ara-dipomatika izany ny Minisiteran’ny Tanora sy ny Fanatanjahantena raha tsy hiteny hafatsy ny fandefasana mpanao fanatanjahan-tena miofana any Chine sy fampitaovana ara-panatanjahantena.
Tonga nandray anjara tamin’izany, nisolotena an’Andriamatoa Minisitra TINOKA Roberto, nanome voninahitra ity hetsika fankalazana ity ny Tale Jeneralin’ny Fanatanjahantena, Ramatoa Rosa RAKOTOZAFY sy Tale vitsivitsy eo anivon’ny Ministera.