Araka ny toromarika avy amin’ny Filoham-pirenena, Atoa Andry RAJOELINA, mahakasika ny fijerena isam-paritra ireo voina naterakin’ny rivo-doza BATSIRAI, dia nidina avy hatrany aty Morondava, renivohim-paritra Menabe, ny Minisitrin’ny Tanora sy ny Fanatanjahantena, Atoa MAMOD’ALI Hawel, izay Minisitra mpiahy ny Faritra ihany koa.
Tonga nijery ireo zava-misy ny tenany mandritra izany ary nijery ihany koa ny lalana mampitohy an’ny Morondava sy Belo/Tsiribihina, mba hamerenana haingana ity lalana izay misy fahatapana ity ankehitriny nohon’ny rotsak’orana be loatra.