Notanterahina omaly tolakandro, tao amin’ny Palais des Sports Mahamasina ny fifidianana izay ho filohan’ny Federasiona Malagasy ny Muay-Thaï (FMMT).
Kandida tokana (1) no nilatsaka hofidiana, ka lany hitantana izany federasionina izany mandritra ny 4 taona indray Atoa RAKOTOALIZAO Haina Tiana Gervais, rehefa nahazo vato 4/4 avy amin’ireo ligy 4 tonga nifidy sy nametraka fitokisana taminy.
Tonga nanatrika izany fifidianana izany ny solon-tenan’ny Minisiteran’ny Tanora sy ny Fanatanjahantena.